Redaktsııa alqasy Qazaqstan tarıhynyń jetinshi tomyn talqylady
ALMATY. KAZINFORM – Almatyda Memlekettik keńesshi Erlan Qarınniń tóraǵalyǵymen «Qazaqstan tarıhy: ejelgi dáýirden búginge deıin» atty jeti tomdyq akademııalyq basylymdy ázirleýge qatysty redaktsııa alqasynyń kezekti otyrysy ótti.
Avtorlar ujymynyń jetekshisi, tarıh ǵylymdarynyń doktory, professor Búrkitbaı Aıaǵan Táýelsizdik kezeńine arnalǵan jetinshi tomnyń tujyrymdamasyn, qurylymy men mazmunyn tanystyrdy.
Sondaı-aq tarıh ǵylymdarynyń doktory, professor, Májilis depýtaty Erkin Ábil men PhD doktor, professor Mıhaıl Akýlovtyń retsenzııalary tyńdaldy.
Budan bólek, redaktsııa alqasynyń Sábıt Shildebaı, Erlan Sydyqov, Hankeldi Ábjanov, Kenjehan Matyjanov, Radık Temirǵalıev, Galına Ksenjık, Aıgúl Sádýaqasova, Bereket Káribaev, Aıbolat Kóshkimbaev, Murat Ábdirov, Dıhan Qamzabekuly, Bolat Kómekov, Kúlǵazıra Baltabaeva, Andreı Chebotarev, Orazaq Smaǵulov, Jaqsylyq Sábıtov, Jáken Taımaǵambetov sekildi basqa da músheleri oı-pikirin ortaǵa saldy.
Otyrys qorytyndysy boıynsha redaktsııa alqasy Táýelsiz Qazaqstan tarıhyna arnalǵan jetinshi tomdy jetildirý jumystaryn jalǵastyrý jáne ony kelesi otyrysta qaıta qaraý týraly sheshim qabyldady.
