Pýtın men Kım Chen Yn kelissózder júrgizdi
MÁSKEÝ. KAZINFORM — Reseı prezıdenti Vladımır Pýtın men Koreı Halyq-demokratııalyq Respýblıkasynyń Memlekettik ister jónindegi Tóraǵasy Kım Chen Yn Pekındegi «Dıaoıýıtaı» rezıdentsııasynda kelissózder júrgizdi. Bul týraly agenttik korrespondenti Kreml saıtyna silteme jasap habarlaıdy.
Olar ekinshi dúnıejúzilik soǵystyń aıaqtalǵanyna 80 jyl tolýyna arnalǵan saltanatty qabyldaýdy aıaqtaǵannan keıin bir kólikte «Dıaoıýıtaı» rezıdentsııasyna bardy.
Kelissózder 2,5 saǵattan astam ýaqytqa sozyldy. Aldymen ekijaqty delegatsııalar qatysqan kelissózder bir jarym saǵattan astam ýaqytqa jalǵasty. Sodan keıin eki jaq jeke formatta shamamen bir saǵattyq áńgime júrgizdi.
Reseı Prezıdenti Pýtın 31 tamyzdan bastap Qytaıda tórt kúndik saparmen júr. Ol Tıantszınde Shanhaı Yntymaqtastyq Uıymy (ShYU) sammıtine qatysty jáne sammıt aıasynda álem lıderlerimen birneshe kezdesý ótkizdi.
Soltústik Koreıa basshysy Kım Chen Yn 2 qyrkúıekte Qytaıǵa bardy.
Buǵan deıin habarlanǵandaı, Qazaqstan Prezıdenti Qasym-Jomart Toqaev Qytaıdyń Tıantszın qalasyndaǵy ShYU sammıtine qatysyp, birneshe bastama usyndy.
Aıta ketelik Qasym-Jomart Toqaev áskerı paradty tamashalady.
