Profıboks: Ábilhan Amanquldyń aıqasy kútpegen nátıjemen aıaqtaldy
Orta salmaqtaǵy qazaqstandyq Ábilhan Amanqul (4-0-1, 4KO) AQSh-ta Saýl Alvares - Djermell Charlo jekpe-jeginiń anderkardynda óner kórsetti, dep habarlaıdy QazAqparat.
Amanqul amerıkalyq Djoshon Djeımspen (7-0-2, 4KO) kezdesti.
Qazaqstannyń kásipqoı boksshy Instagram-paraqshasynda jazylǵandaı, kezdesý josparlanǵan barlyq raýndtyń sońyna deıin jalǵasty. Onyń nátıjesinde upaılar teń boldy. Tóreshilerdiń biri jeńisti Amanqulǵa berse (39-37), ózgeleri 38-38 esebin tirkedi.
Jeńilip kórmegen amerıkalyq boksshynyń mansabynda bul - teń nátıjemen aıaqtalǵan ekinshi jekpe-jek. Al Amanqul rıngten alǵash ret jeńissiz tústi. Ol buǵan deıingi barlyq aıqasyn jeńispen aıaqtaǵan edi.
Aıta keteıik, boks keshiniń basty oqıǵasy álemniń qos absolıýtti chempıondary – meksıkalyq Saýl «Kanelo» Alvares (59-2-2, 39KO) pen amerıkalyq Djermell Charlo (35-1-1, 19KO) arasynda ótedi.
Búgin anderkardta taǵy bir qazaqstandyq óner kórsetti – Bek Nurmaǵanbet (10-0, 8KO) nıgerııalyq Abımbola Osýndaırony (5-0, 3KO) nokaýtpen jeńdi.
Posmotret etý pýblıkatsııý v Instagram
