Memleket basshysy New Generation School Astana ǵımaratyna bardy
ASTANA. KAZINFORM — Elorda nysandaryn aralaý barysynda Memleket basshysy Nura aýdanynda ornalasqan NGS Astana jeke menshik bilim berý mekemesiniń jumysymen tanysty, dep habarlaıdy Aqordanyń baspasóz qyzmeti.
1320 oqýshyǵa eseptelgen mektep jaratylystaný-matematıka jáne áleýmettik-gýmanıtarlyq baǵyttarynda bilim beredi. Ásirese, matematıka men aǵylshyn tili tereńdetip oqytylady.
Oqý-tárbıe jumysyn uıymdastyrýǵa qajetti barlyq jaǵdaı jasalǵan.
Oqýshylar úsh mezgil tamaqtandyrylady. Erekshe bilim alý qajettiligi bar balalarǵa qolaıly orta qarastyrylǵan.
Qasym-Jomart Toqaevqa mektep qurylysynyń bıznesti memlekettik qoldaý sharalary aıasynda boı kótergeni jóninde baıandaldy. Qarjynyń 40 paıyzyn «Damý» qory kredıt retinde bólgen.
Prezıdent oqý kabınetterin, kitaphanany, sport zalyn aralap kórdi.
Budan buryn Toqaev Tanym kópfýnktsıonaldy keshenin aralaǵanyn jazǵanbyz.