Prezıdent: Qoǵamdyq kólikterdiń sanyn kóbeıtý qajet

ASTANA. KAZINFORM — Memleket basshysy Qasym-Jomart Toqaev Astanany damytý jónindegi keńesinde qaladaǵy kólik ınfraqurylymyna nazar aýdarý kerektigin aıtty.

— Kólik-logıstıka ınfraqurylymyn odan ári damytý mańyzdy. Qalada sapaly jáne qolaıly ınfraqurylym bolýǵa tıis. Bıyl Astananyń kólik júıesin damytýdyń 2035 jylǵa deıingi keshendi baǵdarlamasy qabyldandy. Bul qujattaǵy is-sharalardy der kezinde júzege asyrý kerek, — dedi Toqaev.

Qaladaǵy kólik ınfraqurylymyna nazar aýdarý kerek.

— Azamattar joldyń sapasy nashar ekenin aıtyp, jıi shaǵymdanady. Qoǵamdyq kólikterdiń qyzmetine qatysty máseleler de bar. Keleńsiz jaıttar Astananyń abyroı-bedeline nuqsan keltiredi. Qoǵamdyq kólikter eń aldymen turǵyndarǵa yńǵaıly bolýy kerek jáne ýaqtyly júrýge tıis. Jeke kólikten góri avtobýspen júrýdiń tıimdi bolǵany jaqsy. Sondyqtan qoǵamdyq kólikterdiń sanyn kóbeıtý qajet, — dedi Memleket basshysy. 

Aıta ketelik Memleket basshysy Astana tek ortalyq kósheleri aınadaı jarqyrap turatyn qala bolmaýy tıis ekenin aıtqan edi.