Prezıdent Ispanııa Koroline quttyqtaý jedelhatyn joldady

ASTANA. KAZINFORM — Qasym-Jomart Toqaev Korol VI Felıpe men onyń otandastaryn osy eldiń ulttyq merekesi — Ispan halqy kúnimen quttyqtady. Bul týraly Aqordanyń baspasóz qyzmeti habarlady.

— Memleket basshysy Qazaqstan men Ispanııa arasyndaǵy dostyq pen túsinistikke negizdelgen qarym-qatynastyń túrli salada nyǵaıyp kele jatqanyn atap ótti. Sonymen qatar birlesken kúsh-jigerdiń arqasynda ekijaqty yntymaqtastyq qos halyqtyń ıgiligi jolynda damı beretinine senim bildirdi, — delingen habarlamada.

Qasym-Jomart Toqaev Korol VI Felıpeniń bastamalaryna sáttilik, al dostas ıspan halqyna baq-bereke tiledi.

Aıta keteıik, keshe Memleket basshysy «Taza Qazaqstan» ekologııalyq aktsııasyna qatysty. Prezıdent Astana qalasyndaǵy Botanıkalyq saıabaqta erikti jáne belsendi jastarmen birge aǵash ekti.