Sapasyz qurylys: Stepnogorda merdigerden 80 mln teńge óndirilmek
ASTANA. KAZINFORM — Stepnogor qalasynyń prokýratýrasy aýrýhananyń operatsııalyq blogyn salý barysynda zańbuzýshylyqtardy toqtatty.
Stepnogor qalasynyń prokýratýrasy Stepnogor kópbeıindi qalalyq aýrýhanasynyń «G jáne E» operatsııalyq blogyn salý kezinde zańnama talaptarynyń saqtalýyna tekserý júrgizdi.
Tekserý barysynda merdiger tarapynan qurylys normalarynyń buzylǵany anyqtaldy, bul jumystardyń sapasyz oryndalýyna jáne bıýdjet qarajatynyń negizsiz tólenýine ákep soqqan. Atalǵan zańbuzýshylyqtar tehnıkalyq jáne avtorlyq qadaǵalaý, sondaı-aq tapsyrys berýshi tarapynan tıisti baqylaýdyń bolmaýy saldarynan bolǵan.
Prokýratýra qadaǵalaý aktisin qaraý nátıjesinde merdigermen jasalǵan shart buzyldy. Tapsyrys berýshi 80 mln teńge kólemindegi bıýdjet qarajatyn qaıtarý týraly sotqa talap aryz berdi. Densaýlyq saqtaý basqarmasynyń eki laýazymdy tulǵasy tártiptik jaýaptylyqqa tartyldy.
— Qazirgi ýaqytta jańa merdigerdi taǵaıyndaý jáne nysannyń qurylysyn qysqa merzimde aıaqtaý boıynsha sharalar qabyldanyp jatyr. Bıýdjet qarajatynyń zańdy ári tıimdi paıdalaný máseleleri prokýratýranyń turaqty baqylaýynda, — delingen Aqmola oblysy prokýratýrasynyń habarlamasynda.
Osyǵan deıin Prezıdent Іs basqarmasy aýrýhanasy halyqaralyq standarttarǵa sáıkestigin dáleldegenin jazdyq.
