Prezıdent BNK Financial Group basshysy Bın De-Indi qabyldady
ASTANA. KAZINFORM — Qazaqstan-Koreıa bıznes forýmy aıasynda Qasym-Jomart Toqaev BNK Financial Group kompanııasy dırektorlar keńesiniń tóraǵasy Bın De-Inmen kezdesti.
Memleket basshysy kompanııanyń óz ıeligindegi BNK Finance Kazakhstan mıkroqarjy uıymyn tolyqqandy ekinshi deńgeıli bankke aınaldyrý nıetin quptady.
Onyń pikirinshe, Ońtústik Koreıadaǵy jetekshi banktiń Qazaqstanda qyzmet etýi eki el arasyndaǵy saýda-ınvestıtsııalyq yntymaqtastyqty nyǵaıtýǵa yqpal etedi.
Qasym-Jomart Toqaev kompanııanyń mıkroqarjy uıymyn bankke aınaldyrý rásimi aıaqtalǵan soń, korporatıvtik nesıe berýge kúsh salýǵa shaqyrdy.
Sondaı-aq bank salasynda ozyq IT-sheshimderdi paıdalanýdyń mańyzyna nazar aýdardy.
BNK Financial Group Inc. — Ońtústik Koreıanyń qarjylyq toby.
Onyń quramyna Busan Bank, Kyongnam Bank, BNK Capital jáne basqa da kompanııalar kiredi.
Kompanııanyń aktıvi — 129 mıllıard dollar. Al taza tabysy — 504 mıllıon dollar.
Qarjylyq top álemdegi eń iri kompanııalardy esepke alatyn Forbes Global 2000 tizimine engen.
