Prezıdent bergen 108 tapsyrmanyń 44-i oryndaldy

NUR-SULTAN. QazAqparat – QR Premer-Mınıstri Álıhan Smaıylov Úkimettiń keńeıtilgen otyrysynda Prezıdenttiń qańtar oqıǵasynan keıin bergen tapsyrmalarynyń oryndalý barysy týraly baıandady, dep habarlaıdy QazAqparat tilshisi.

«Qańtar aıynda bolǵan qaıǵyly oqıǵalar elimizdiń áleýmettik-ekonomıkalyq damý josparyna túzetýler engizdi. Áleýmettik-ekonmıkalyq jáne qoǵamdyq-saıası jaǵdaıdy turaqtandyrý maqsatynda osy jyldyń basynan bastap siz Úkimetke shuǵyl jáne júıeli 108 tapsyrma berdińiz. Búgingi tańda 44 tapsyrma oryndaldy», - dedi Álıhan Smaıylov.

Onyń sózine qaraǵanda, búginde áleýmettik-ekonomıkalyq jaǵdaıdy turaqtandyrý jónindegi jedel is-jospar aıasynda eldiń barlyq aımaqtarynda qoǵamdyq tártip qalpyna keltirilgen.

«Kommýnaldyq qyzmetterdiń baǵalary men tarıfteriniń ósýine jarty jylǵa mroratorıı engizildi. Janar-jaǵarmaıǵa jáne gazǵa shekti baǵalar belgilendi. Úkimet janyndaǵy otandyq kásipkerler keńesi quryldy.

Ýtılızatsııalyq alymldar memleketke berildi. 100 protsent memlekettik uıym «Jasyl damý» aktsıonerlik qoǵamy jaýapty operator bolyp aıqyndaldy», -dedi Úkimet basshysy.