15:21, 04 Shilde 2025 | GMT +5
Prezıdent: Dombyra – ult bolmysy, halyq qazynasy
ASTANA. KAZINFORM – Memleket basshysy aldaǵy Ulttyq dombyra kúnimen quttyqtady. Bul týraly Aqorda málim etti.
– Dombyra – ult bolmysy, halyq qazynasy. «Qazaq – naǵyz qazaq emes, naǵyz qazaq – dombyra». Ásirese, óskeleń urpaqtyń dombyraǵa degen yqylasy erekshe. Jastar tól mádenıetimizdi tereń túsinip, salt-dástúrimizge qurmetpen qaraıdy. Bul – óte jaqsy úrdis. Óıtkeni ata-babalarymyzdyń mádenı murasyn kózdiń qarashyǵyndaı saqtaý – naǵyz otanshyldyqtyń kórinisi. Otanǵa súıispenshilik – memlekettiligimizdiń temirqazyǵy. Qazaqstan jastarynyń muny jaqsy túsinip, qoldaıtynyna rızamyn. Memleket rýhanııat salasyn barynsha damyta beredi. Dástúrli ónerdiń dúldúlderi Qaırat Baıbosynov «Qazaqstannyń Eńbek Eri», Aıgúl Úlkenbaeva, Aıgúl Qosanova «Qazaqstannyń halyq ártisi» ataǵyna ıe boldy. Qasıetti qara dombyranyń kúmbirin búkil álemge pash etip júrgen azamattarǵa alǵys aıtamyn, – dep jazdy Qasym-Jomart Toqaev óziniń X paraqshasynda.
Ulttyq dombyra kúni shilde aıynyń alǵashqy jeksenbisinde atalyp ótedi.
Eske sala keteıik, buǵan deıin dombyra kúnine oraı el kóleminde 300-ge jýyq is-shara uıymdastyrylatynyn jazǵan edik.