Portýgalııada vandal Krıshtıaný Ronaldýdyń músinin órtep jiberdi

ASTANA.KAZINFORM - Portýgalııalyq tanymal fýtbolshy Krıshtıaný Ronaldýdyń Otanynda belgisiz bireý onyń músinin órtep jiberdi, dep habarlaıdy Kazinform agenttiginiń menshikti tilshisi.

Jergilikti «Correio da Manha» gazetiniń habarlaýynsha, Madeıra shtatynyń Fýnshal qalasyndaǵy músinge vandal janǵysh suıyqtyq shashyp, ony órtep jibergen. Oqıǵany telefonyna túsirip alǵan qylmysker janyp jatqan músinniń aldynda bılep, ádepsiz qımyldar jasaǵan. Instagram-daǵy vıdeosynda er adam: «Bul Qudaıdyń Krıshtıanýǵa sońǵy eskertýi» dep jazǵan.

Aral polıtsııasy kúdiktini anyqtady. Er adamnyń buryn da osyndaı qylmysqa qatysy bary belgili boldy.

Bıiktigi shamamen 2,4 metr bolatyn Krıshtıaný Ronaldýdyń músini 2014 jyly Prasa-dý-Mar alańynda ornatylǵan. Eki jyldan keıin argentınalyq fýtbolshy Lıonel Messıdiń jankúıerleri músinge onyń atyn jazǵannan keıin eskertkish basqa jerge kóshirilgen. Eskertkish qazir Ronaldý murajaıynyń janynda tur.

Aıta keteıik, Gennadıı Golovkın men Krıshtıaný Ronaldý Er-Rııadta kezdesken bolatyn.