Polsha mektepterinde oqýshylarǵa atys qarýyn meńgerý mindetteldi

ASTANA. KAZINFORM – Polshada mektep baǵdarlamasyna alǵashqy áskerı daıyndyq sabaqtary engizildi, onyń ishinde atys qarýyn ustaý men alǵashqy medıtsınalyq kómek kórsetýdi úıretý bar, dep habarlaıdy Kazinform Euronews-ke silteme jasap. 

 Endi 14 jastan asqan balalar arnaıy pánde áskerı shabýyldan qorǵanyp, taktıkalyq qutqarýdyń negizi bolatyn «atý daǵdylaryn» qalyptastyratyn bolady. Olar baǵdarlama aıasynda qarýdy shashyp-jınaýdy úırenedi sondaı-aq nysanany kózdeý arqyly atýdy meńgeredi. Balalardyń qaýipsizdigi úshin jattyǵý ótetin zalda jaýyngerlik oqtyń ornyna lazerlik sáýleler qoldanylady.     

— «Qaýipsizdikke úıretý» páni bastaýysh mekteptiń 8 synybynda, al jalpy bilim beretin mekteptiń 1 synybynda 14 pen 16 jas aralyǵyndaǵy balalar úshin mindetti pán. Aptasyna bir saǵat arnalyp otyr. 

Sonymen qatar bastaýysh synyptar úshin áskerı aspekt boıynsha kıberqaýipsizdikti meńgerý mindettelgen. Al, orta bilim beretin mektepterde oqýshylar soǵys jaǵdaıynda tóngen qaýipke qandaı reaktsııa bildirý keregin, áskerı aspekt boıynsha kıberqaýipsizdikti meńgerý, atý jattyǵýyna qatysý mindettelgen.