Polıtsııa keń taraǵan bes kıberqylmys túrin atady

ASTANA. KAZINFORM – Astana qalasy Polıtsııa departamentiniń kıberqylmyspen kúres basqarmasynyń bastyǵy Talǵat Bólegenov ınternet alaıaqtyqtyń keń taraǵan túrlerin atady.

- Eger kúmándi siltemelerdi baıqasańyz, siltemege ótpeńiz, tipti ol jeke tanıtyn adamnan kelse de. Sebebi paraqsha nemese saıt buzylǵan bolýy múmkin. Sondaı-aq eshkimge sms arqyly kelgen kodty, bank kartasynyń qupııasózderin nemese jeke derekterdi berýge bolmaıdy, ásirese ózin bank nemese memlekettik organ ókili retinde tanystyrǵan adamǵa, - dedi Talǵat Bólegenov Astana qalasy kommýnıkatsııalar qyzmeti alańynda ótken baspasóz máslıhatynda.

Alaıaqtyqtyń keń taraǵan 5 tásili:

1. Alaıaqtar ózderin bank qyzmetkeri retinde tanystyryp, kúmándi tranzaktsııa silteme jasap, jeke derekterdi suraıdy;

2. Onlaın saýda: joq taýar jarnamasyn jarııalap, aldyn ala tólem alǵan soń, habarsyz ketedi;

3. Fıshıng saıttary: resmı saıttarǵa uqsas jalǵan resýrstar arqyly qoldanýshylardyń logın, qupııa sózderin ıemdenedi;

4. Investıtsııalyq alaıaqtyq: qolaıly ınvestıtsııalyq múmkindik retinde usynylǵan alaıaqtyq platformalar salym jınap, qarajatty sheshýge kelgende alaıaqtyq áreket bolyp shyǵady;

5. Messendjerlerdi buzý: paraqshalardy buzyp, tanys adamyńyzdyń atynan aqsha surap habarlama jiberedi.

Aıta keteıik, jyl basynan beri elordada 1293 ınternet alaıaqtyq faktisi tirkeldi.