Petropavlda «Jyly júrek» aktsııasy ótti
PETROPAVL. KAZINFORM – Petropavlda Alǵys aıtý kúnine oraı volonterler «Jyly júrek» aktsııasyn uıymdastyrdy.
Іs-sharaǵa Soltústik Qazaqstan oblysy volonterleriniń «Birgemiz» front-keńsesi jáne memlekettik qyzmetshiler qatysty. Olar qala kóshelerine ystyq shaı quıylǵan termostaryn, baýyrsaq pen kámpıt alyp shyǵyp, bul kúni jumys istep jatqan kommýnaldyq qyzmet jumysshylaryna taratty.
Uıymdastyrýshylardyń aıtýynsha, búgin elimizde «Igi ister marafony» aktsııasy bastaldy. «Jyly júrek» osy joba aıasynda ótip jatyr.
- Bul adamdardyń eńbegi zor. Kúnde aıaz demeı, boran demeı kóshege shyǵyp, qalamyzdyń taza bolýy úshin jumys isteıdi. Aktsııa aıasynda aldymen osy jumysshylarǵa alǵys aıtyp, olardyń eńbekterine óz qurmetimizdi bildirgimiz keldi, - deıdi SQO Іshki saıasat basqarmasynyń jastar bastamalary bóliminiń jetekshisi Anastasııa Volkova.
Jastardyń aıtýynsha, óńir volonterleri belsendi. Olar atqarǵan qaıyrymdy ister az emes. Qazirgi ýaqytta jeke turǵyn úıde turatyn jalǵyzilikti qarttardy qamqorlyqqa alyp, aýlalaryn qardan tazartyp jatyr.
Buǵan deıin CQO-da kóktemgi sý tasqyny qarsańynda gıdroposttarda josparly baqylaý bastalǵanyn jazdyq.