Petropavlda veıp satyp júrgen jastar ustaldy
PETROPAVL. KAZINFORM – Petropavlda veıp satýdy kásipke aınaldyrǵan úsh kúdikti ustaldy. Olardan 200-ge jýyq elektrondy temeki tárkilendi.
Soltústik Qazaqstan oblysy polıtsııa departamenti baspasóz qyzmetiniń málimetinshe, kúdiktilerdi uıymdasqan qylmysqa qarsy kúres basqarmasynyń qyzmetkerleri jedel-izdestirý is-sharalary barysynda ustady. Petropavldyń 24 jastaǵy turǵyny men Qyzyljar aýdanynyń 26 jastaǵy turǵyny Jumabaev kóshesindegi úıdiń aýlasynda qolǵa tústi. Qala turǵynyna tıesili Mazda avtokóliginen 26 veıp tárkilendi.
Polıtseılerdiń aıtýynsha, jastar bul ónimderdi Telegram arqyly satqan. Osy qylmysqa qatysy bar taǵy bir kúdikti - 18 jastaǵy Petropavl turǵyny Lada avtokóligimen Pýshkın kóshesindegi úılerdiń aýlasynda ustaldy. Polıtsııa qyzmetkerleri kóliktiń júk salǵyshynan 154 elektrondy temekini tárkiledi.
«Shegilmeıtin temeki ónimderiniń, elektrondyq tutyný júıeleriniń (veıp), olarǵa arnalǵan hosh ıistendirgishter men suıyqtyqtardyń aınalymy faktileri boıynsha qylmystyq ister qozǵaldy. Eske salaıyq, bıyldan bastap veıpterdi satýǵa tyıym salynǵan. Qazaqstan Respýblıkasy Qylmystyq kodeksiniń 301-1-babynyń sanktsııasyna sáıkes qylmys jasaǵandarǵa 200 AEK mólsherindegi aıyppul salynady nemese 50 táýlik merzimge qamaýǵa alýǵa deıin jaýapkershilik qarastyrylǵan», – deıdi SQO polıtsııa departamenti uıymdasqan qylmysqa qarsy kúres basqarmasy bastyǵynyń orynbasary Rahat Nurahmetov.
Buǵan deıin Shymkentte jasyryn esirtki zerthanasyn uıymdastyrdy degen kúdikpen eki sheteldiktiń ustalǵanyn jazǵan edik.
