QPL: «Qaırat» týrnır kestesinde kósh basyna shyqty
ASTANA. KAZINFORM — Fýtboldan Qazaqstan Premer-lıgasy VIІІ týrynyń alǵashqy oıyn kúni máresine jetti.
Bul kúnge úsh oıyn belgilengen edi. Eki kezdesýde alań ıeleri qarsylasyna jol berse, bireýinde teń nátıje tirkeldi.
Týrnır kestesinde kósh basynda kele jatqan almatylyq «Qaırat» syrt alańda Pavlodardyń «Ertis» klýbymen sheberlik baıqasty. Kezdesý barysynda almatylyq komandadan Oıva ıÝkkola 25-mınýtta mergendik tanytyp, óz komandasyna jeńis syılady.
Osylaısha «Qaırat» qarsylasynan 1:0 esebimen basym túsip, týrnır kestesinde 18 upaımen jeke-dara kósh bastady.
Taǵy bir kezdesýde «Qaısar» (Qyzylorda) — «Jetisý» (Taldyqorǵan) 1:1 esebine qanaǵat bildirdi. Oıyn barysynda aldymen taldyqorǵandyq klýbtan Nurbol Ánýarbekov 42-mınýtta gol soqsa, oǵan qyzylordalyq komandadan Alııar Muhamed 45-mınýtta bir golmen jaýap qaıyrdy.
Sondaı-aq alǵashqy oıyn kúninde kókshetaýlyq «Oqjetpes» syrt alańda Petropavldyń «Qyzyljaryn» 1:0 esebimen jeńdi.
Endi ekinshi oıyn kúninde bes kezdesý belgilengen.
Premer-Lıga, VIІІ týr oıyndary:
3 mamyr
15:00. «Ulytaý» (Jezqazǵan) — «Elimaı» (Semeı)
19:00. «Kaspıı» (Aqtaý) — «Astana»
17:00. «Atyraý» — «Altaı» (Óskemen)
18:00. «Jeńis» (Astana) — «Tobyl» (Qostanaı)
20:00. «Ordabasy» (Shymkent) — «Aqtóbe».
Dál qazir týrnır kestesinde 18 upaımen almatylyq «Qaırat» komandasy kósh bastap keledi.
