Petropavlda sý tasqyny kezinde joǵalǵan er adamnyń denesi tabyldy

PETROPAVL. KAZINFORM – Petropavlda bir aı buryn joǵalǵan qala turǵynynyń denesi tasqyn sý basqan yqsham aýdannan tabyldy.

Soltústik Qazaqstan oblysy polıtsııa departamenti baspasóz qyzmetiniń málimetinshe, 13 sáýir kúni Petropavldyń 34 jastaǵy turǵyny iz-tússiz joǵalǵan edi. 

12 mamyr kúni súńgýirler er adamnyń denesin alyp shyqty. Múrdede zorlyq belgileri bolmaǵan, ol sot-medıtsınalyq saraptamaǵa jiberildi. 

Esterińizge salaıyq, Petropavlda 12 sáýirden bastap Esil ózeniniń sýy kóterilip, tek 22 sáýirden keıin ǵana túse bastady. 

Jalpy SQO boıynsha 3 myńnan astam úı sý astynda qaldy. Petropavlda saıajaıdaǵy úıleri sýǵa ketkenderge de birjolǵy tólem beriletin boldy. 

Qazirgi ýaqytta arnaıy qurylǵan mehbrıgadalar tasqynnyń saldarymen kúresip jatyr.