Petropavlda on kúnde 12 mas jasóspirim ustaldy

  PETROPAVL. KAZINFORM – Petropavlda «Jasóspirim» jedel-profılaktıkalyq is-sharasy aıasynda kámeletke tolmaǵandardyń alkogol tutynýynyń 12 faktisi anyqtaldy.

Soltústik Qazaqstan oblysy polıtsııa departamenti baspasóz qyzmetiniń málimetinshe, «Jasóspirim» jedel-aldyn alý is-sharasy óńirde 2 aqpannan bastap ótip jatyr. ıÝvenaldyq polıtsııa ınspektorlary men ýchaskelik ınspektorlar kún saıyn keshki ýaqytta kóshelerdi patrýldep, esepte turǵan otbasylardy tekseredi. Sonymen qatar tótenshe jaǵdaılar bólimsheleriniń qyzmetkerleri órttiń jáne jazataıym oqıǵalardyń aldyn alý baǵytynda túsindirý jumystaryn júrgizip jatyr.

Kezekti reıd barysynda Petropavlda sýpermarket mańynan 16 jastaǵy jasóspirim ustaldy. Bala eresektersiz jalǵyz júrgen. Medıtsınalyq kýálandyrý onyń jeńil dárejede mas kúıde bolǵanyn kórsetti. Ata-anasyna bala tárbıesine qatysty mindetti tıisinshe oryndamaǵany úshin, al jasóspirimge alkogoldik ishimdik ishkeni jáne túngi ýaqytta jalǵyz kóshede júrgeni úshin ákimshilik hattamalar toltyryldy. Sondaı-aq tıisti memlekettik organdarǵa aqparat joldandy.

Іs-sharanyń 10 kúni ishinde tek Petropavlda ǵana balalardyń alkogol tutynýynyń 12 deregi anyqtaldy, túngi ýaqytta eresektersiz júrgen 35 jasóspirim polıtsııaǵa jetkizildi, ata-analyq mindetterdi oryndamaýdyń 17 deregi tirkeldi.

Buǵan deıin Petropavlda mektepterdiń birine oqýshy tapansha alyp kelgenin jazǵan edik.