Toqaev: Memlekettik derekterdiń biryńǵaı júıesi bolmasa, jasandy ıntellektiden paıda joq
ASTANA. KAZINFORM — Almatyda Prezıdent Qasym-Jomart Toqaevtyń tóraǵalyǵymen Jasandy ıntellektini damytý jónindegi keńestiń ekinshi otyrysy ótti, dep habarlaıdy Aqordanyń baspasóz qyzmeti.
Prezıdent álemdik deńgeıdegi jetekshi zerthanalardyń sońǵy derekterine súıene otyryp, damyǵan jáne damýshy ekonomıkalar arasyndaǵy alshaqtyq tez ulǵaıyp kele jatqanyn atap ótti.
— Jasandy ıntellektiniń bir ereksheligi — kapıtal da, tehnologııa da kóshbasshylardyń qolyna shoǵyrlanady. Ýaqtyly ári batyl sheshim qabyldamasa, erteń «tehnologııalyq alshaqtyqty» qysqartý qıynǵa soǵady. Bul — Qazaqstan úshin alańdatarlyq ahýal. Qazirgi jaǵdaıdy egjeı-tegjeıli saralap, naqty ıntellektýaldyq ónimder jasaýǵa qabiletimiz qanshalyqty jetetinin anyq túsiný kerek. Elimiz klassıkalyq «Orta tabys daǵdarysyna» tap boldy degen sarapshylardyń pikirimen kelispeske amal joq. Mundaı kezde tabıǵı resýrstar men arzan jumys kúshi sekildi dástúrli resýrstar sarqyla bastaıdy, al ekonomıkalyq ósimge serpin beretin jańa salalar tıisti deńgeıde damymaıdy nemese iske qosylmaıdy. Ekonomıkanyń turalaýyna jol bermeý úshin úlken tsıfrlyq platformalar qurý qajet. Sol arqyly tsıfrlyq ekonomıkaǵa jedel aýysý amalyn izdegen durys. Memlekettik derekterdiń biryńǵaı júıesi bolmasa, jasandy ıntellektiden paıda joq. Osy oraıda memlekettik servısterdi kózge kórinbeıtin, biraq óte tıimdi operatsııalyq júıege transformatsııalaý kerek. Sonda shamadan tys bıýrokratııalyq talaptardan qutylamyz. Qazirgi júıe boıynsha suranys jiberýden bastap sheshim qabyldaýǵa deıingi aralyqqa birneshe kún nemese birneshe apta ketedi. Negizi, atalǵan tsıkl birneshe sekýndqa deıin qysqarýǵa tıis. Sol kezde eldegi kapıtal aınalymy jedeldeı túsedi, — dedi Qasym-Jomart Toqaev.
Budan buryn Qazaqstanda statıstıka salasyna arnalǵan AI-kómekshi iske qosylǵanyn jazǵanbyz.
