Petropaldaǵy órt kezinde 220 adam evakýatsııalandy

ASTANA. KAZINFORM – Petropavlda kóp qabatty turǵyn úıdegi órt kezinde qutqarýshylar 220 adamdy evakýatsııalady, dep habarlaıdy QR Tótenshe jaǵdaılar mınıstrliginiń baspasóz qyzmeti.

Baspasóz qyzmetiniń málimetterine qaraǵanda, Petropavl qalasy Parkovaıa kóshesiniń boıynda toǵyz qabatty turǵyn úıdiń segizinshi qabatynda úı zattary men jıhaz janǵan.

«Tótenshe jaǵdaılar mınıstrliginiń kúshteri baspaldaq arqyly 3 adamdy qutqaryp, 217 adamdy, onyń ishinde 21 balany evakýatsııalady. Órt tolyǵymen sóndirildi, órttiń sebebi anyqtalýda»,-delingen hbarlamada.

Aıta keteıik, osyǵan deıin QR Tótenshe jaǵdaılar mınıstrligi baspasóz qyzmeti úıde órt shyqqan jaǵdaıda ne isteý keregin túsindirgen bolatyn.