Pedagogterdiń jumysyn jeńildetetin qandaı ózgerister engiziledi
ASTANA. KAZINFORM – Portfolıo jınaqtaý jáne avtorlyq baǵdarlamaǵa qatysty birqatar ózgeris bolmaq. Bul jóninde Oqý-aǵartý mınıstri Instagram paraqshasynda bólisti.
Juldyz Súleımenovanyń aıtýynsha, portfolıo jınaqtaý jeńildeıdi.
– Portfolıo jınaqtaý endi elektrondy negizde bolady. Siz ustaz retinde qaǵaz, árkimnen qol jınap júrmeısiz. Qazir Ustaz platformasyn qarastyryp jatyrmyz. Munyń barlyǵy elektrondy bolady. Ol týraly qosymsha habarlaımyz, - dedi ol.
Sondaı-aq ustazdar endi avtorlyq baǵdarlama daıyndap, áýrege túspeıdi.
– Taǵy bir másele – avtorlyq baǵdarlama. Sizdermen ony uzaq talqyladyq. Avtorlyq baǵdarlamalar da toqtatylady. Endi avtorlyq baǵdarlamany jazýdyń, usynýdyń qajeti joq, - dedi mınıstr.
Aıta keteıik buǵan deıin muǵalimderdiń pándik bilimin baǵalaý testi toqtatylatynyn jazǵanbyz.
