Pavlodarlyq mýzykanttar Túrkııada ótken baıqaýda jeńiske jetti

PAVLODAR. QazAqparat - 5-14 qazan aralyǵynda Túrkııanyń Alanııa qalasynda І halyqaralyq «Global Art Competition» mýzyka baıqaýy aıasynda uly oıshyl, qazaqtyń bas aqyny, kompozıtor Abaı Qunanbaıulynyń 175 jyldyǵyna oraı «HAKIM ABAY» atty kontserttik-tanymdyq kesh ótýde, dep habarlaıdy QazAqparat pavlodarnews.kz silteme jasap.

Oblystyq bilim basqarmasynyń málimetinshe, sharaǵa Nur-Sultan qalasy Qazaq Ulttyq óner ýnıversıtetiniń professory, Qazaqstannyń eńbek sińirgen qaıratkeri Azamat Jyltyrkózov jáne Dına Meıirmanova, Dmıtrıı Kovalev syndy belgili mýzykanttar qatysýda.

Sondaı-aq, Pavlodar «Mýzykalyq kolledj – daryndy balalarǵa arnalǵan mýzykalyq mektep-ınternat» kesheniniń dırektory Serik Syzdyqov, ustazdary ıAna Kasıan, Sáýle Mýsıpova, Margo Kolaıan jáne «Kaprıchchıo» skrıpkashylar ansambli barǵan.

- Bir jarym saǵattyq kontsert joǵary deńgeıde ótti jáne kesh qonaqtarǵa umytylmas áser qaldyrdy, - deıdi Serik Syzdyqov. - Baıqaýda Túrkııa, Grýzııa, Qazaqstan memleketterinen 40 shaqty úmitker baq synaýda. Olardyń basym bóligi, ıaǵnı 16 úmitker Pavlodar mýzykalyq kesheninen ekenin atap ótken jón. Mýzykalyq baıqaý – «Pavlodar qalasyndaǵy mádenıetti qoldaý» qoǵamdyq qorynyń jetekshisi ıAna Kasıannyń túrkııalyq áriptesterimen birlesip jasaǵan jobasy.

Óner ıeleri fortepıano, skrıpka, halyq aspaptary, vokal nomınatsııalary boıynsha baq synady.

Alǵashqy bólimniń qorytyndysy boıynsha mýzykalyq kolledjdiń stýdentteri men oqýshylary Janerke Maýkenova, Aıǵanym Kenjesh, Anel Danııar, Dana Ybyraeva, Dılnaz Jankúshikova jáne Sergeı Fateev 1 oryndy ıelendi. Bas júldeni Ádına Býkaeva jeńip aldy. Sondaı-aq, Nazymgúl Shapaǵatova, Ásel Qojan, Maııa Boşaeva, Nazerke Dostova, Aıgerim Baýyrjanov, Malıka Ábisheva, Lıana Hvan, Arýjan Balǵabaeva júldeger atandy. Jeńimpazdar men júldegerler gramotalar jáne syılyqtarmen marapattaldy.