Pavlodarlyq ǵalymdar elektrkatamaran oılap tapty

NUR-SULTAN. QazAqparat - Toraighyrov University ónertapqyshtary Asylhan Mazdýbaı men Rýslan Muqanov elektr katamaran ıdeıasyn júzege asyrýda, dep habarlaıdy pavlodarnews.kz.

Joǵary oqý orny baspasóz qyzmetiniń málimdeýinshe, ýnıversıtet aýmaǵynda shaǵyn óndiris alańy paıda boldy. Osy tektes oryn eshqaıda kezdespeıdi. Shaǵyn katerdi sý qoımalaryn qoqystan tazartýǵa da qoldanýǵa bolady.

Onyń ereksheligi – ózindik qunynyń arzandyǵy, joǵary tıimdilik pen qarapaıymdylyǵynda.

Shaǵyn kater sýda serýendeýge múmkindik beretin taksı qyzmetin atqara alady.

- Búginde balyqaýlaýshylar tarapynan shaǵyn sý kólikterine, al týrıster tarapynan Ertistiń boıymen jáne erekshe qorǵaýdaǵy sý qoımalarynda serýendeýge arnalǵan taksıge suranys joǵary, –deıdi Asylhan Mazdýbaı.

Shaǵyn kater jumysynda balamaly energııa kózderi men gıbrıdti qozǵaltqysh paıdalanylady. Elektr katamaran 20 adamǵa shaqtalǵan jáne aǵynǵa qarsy saǵatyna 15 shaqyrymǵa deıingi jyldamdyqpen júze alady.