Pavlodarda veterınarııalyq zerthanalar jaramsyz aspaptardy paıdalanyp kelgen
PAVLODAR. KAZINFORM — Kásipkerler jaramsyz aspaptardy paıdalana otyryp, et jáne sút ónimderine 8 myńnan astam zańsyz zertteý júrgizgen. Olarǵa jalpy somasy 1 mln teńge aıyppul salyndy.
Pavlodar qalasynyń prokýratýrasy jekemenshik veterınarııalyq-santıtarııalyq zerthanalardy tekserip, óreskel zańbuzýshylyqtardy tirkedi. Bul týraly óńirlik prokýratýradan habarlandy.
«Prokýrorlyq tekserý barysynda jaramsyz quraldarmen sút jáne et ónimderine 8 myńnan asa zertteý júrgizilgeni anyqtaldy. Sondaı-aq veterınarııalyq zańnamanyń qarapaıym talaptary buzylǵan. Ákimshilik quqyq buzý kodeksiniń 406 jáne 419 baptary boıynsha zańdy tulǵalarǵa shamamen 1 mln teńge somasynda aıyppul salyndy» dep málimdedi prokýratýradan.
Qazirgi ýaqytta prokýratýra aktisi boıynsha jeke zerthana lıtsenzııasynyń qoldanylýyn toqtata turý týraly másele sheshilip jatyr.
