Pavlodarda respýblıkalyq aıtys ótedi

Jyr dodasy Pavlodar oblysyndaǵy Maı aýdanynda uıymdastyrylady, dep habarlaıdy Kazinform Pavlodarnews.kz-ke silteme jasap.

Bul týraly aıtys aqyndary men jyrshy-termeshilerdiń Halyqaralyq Odaǵy – Pavlodar oblystyq fılıaly málimdedi.

- Maı aýdanynda ótetin aıtýly sharaǵa pavlodarlyq sóz sheberlerinen bólek, elimizge tanymal aıtyskerler de qatysady. Aıtys Shahan Mýsınniń 110 jyldyǵy men Muqsıhan Zaıtovtyń 95 jyldyǵyna oraı ótedi, - delingen habarlamada.

Maı eliniń dalasyn qara sózben kómkerip, tyńdarmanyna jyrdan shapan jabatyn aqyndar qatarynda Aspanbek Shuǵataev, Qýanysh Sharmanov, Abzal Qabdyrash, Orazbek Saıahat, Raýan Qaıdar, Máres Baıron, Bóken Jiger, Erlan Amanqoja, Dıdar Qamıev jáne Aıym Asylbekqyzy bar.

Aıta ketelik, aıtys 19 qazan kúni saǵat 11:00-de Maı aýdany mádenıet oıyn-saýyq ortalyǵynda ótedi.