Pavlodarda áıeldi kólik qaǵyp mert qyldy
PAVLODAR. QazAqparat - Pavlodarda joldan ótip bara jatqan áıeldi kólik qaǵyp mert qyldy, dep habarlaıdy QazAqparat tilshisi.
«20 qarasha kúni 17:15-te Mır kóshesindegi 12-ǵımarattyń qarsy aldynda «Lada-Largýs» avtomashınasynyń 59 jastaǵy júrgizýshisi rettelmeıtin ótkel arqyly joldan ótip bara jatqan 45 jastaǵy áıeldi qaǵyp ketti. Áıel oqıǵa ornynda kóz jumǵan», - dep málimdedi Pavlodar oblystyq polıtsııa departamentiniń baspasóz qyzmeti.
Mashına aıyp alańyna qoıyldy.
«Osy derek boıynsha QR Qylmystyq kodeksiniń 345-babyna sáıkes sotqa deıingi tergep-tekserý bastaldy. Júrgizýshi Pavlodar qalasynyń polıtsııa basqarmasynyń ızolıatorynda», - dedi polıtsııa qyzmetkerleri.
