Pavlodarda 400-deı otbasy baspanaly boldy
Jańadan salynyp jatqan «Saryarqa» shaǵyn aýdanynda Pavlov kóshesi, 95/1 mekenjaıyndaǵy turǵyn úıdiń kiltterin tabystaý rásiminde oblys ákimi Bolat Baqaýov qonys ıelerin merekemen quttyqtady.
«Bıyl ótken jylmen salystyrǵanda paıdalanýǵa berilgen úıler sany bir jarym ese artqan, - Kelesi jyly bul kórsetkishti asyrýǵa tyrysamyz. Táýelsizdik kúnine oraı taǵy da páter kiltterin tabystaımyz. Aldaǵy úsh jylda «Saryarqa» shaǵyn aýdanyn tolyq salyp bitirip, jańa «Dostyq» aýdanyn salýdy kózdep otyrmyz. Ol úshin bizde jaǵdaı da, nıet te bar. Atqarylatyn jumystar áli dep kóp», - deıdi aımaq basshysy.
Atalmysh turǵyn úıdi «Óńirlerdi damytý-2020» baǵdarlamasy aıasynda jeti aıdyń ishinde «Járdem» JShS saldy. Qurylys quny - 468 mıllıon 606 myń teńge.
Aıta keteıik, bul - 2017 jyly «Saryarqa» shaǵyn aýdanynda salynǵan tórtinshi úı, jyl sońyna deıin taǵy eki baspana qoldanysqa beriledi. Burynǵy «Allıýmınstroı» shaǵyn aýdanynda qurylys merzimi 2018 jyly aıaqtalady. Oǵan deıin segiz jańa turǵyn úı boı kóteredi. Sonymen qatar, bul kúni Sývorov kóshesi, 53 jáne 55 mekenjaılarynda eki úıdiń kiltteri «Báıterek development» AQ baǵytymen salynyp, jergilikti atqarýshy organdardyń 360 kezegin kútýshilerine tabystaldy. «Nurly jer» baǵdarlamasy aıasynda «Project City Group» JShS salǵan qurylys quny úsh mıllıard 400 mıllıon teńgeni qurady. Al, jaldaý quny bir sharshy metri - 1110 teńge.
