Pavlodar oblysyndaǵy orman órti oqshaýlandy

ASTANA. QazAqparat – Pavlodar oblysyndaǵy «Ertis ormany» rezervatyndaǵy órt oqshaýlandy, dep habarlaıdy QazAqparat tilshisi Tótenshe jaǵdaılar mınıstrliginiń baspasóz qyzmetine silteme jasap.

«Sharbaqty aýdanyndaǵy orman sharýashylyǵynyń aqparaty boıynsha «Ertis ormany» rezervaty aýmaǵyndaǵy órt búgin saǵat 14.14-te oqshaýlandy. Aldyn ala málimet boıynsha órttiń aýmaǵy 850 gektardy quraıdy», - delingen habarlamada.

Buǵan deıin «Ertis ormany» rezervatynda 850 ga jer órtenip jatqany týraly habarlaǵan edik.

Oqıǵa ornyna Tótenshe jaǵdaılar mınıstri Syrym Sháriphanov baryp, jaǵdaıdy óz baqylaýyna aldy.

Aıta keteıik, keshe «Ertis ormany» rezervatynda órt shyqty.

QR Tótenshe jaǵdaılar mınıstrligi baspasóz qyzmetiniń habarlaýynsha, 15 shilde kúni Sharbaqty aýdanynyń Stepnoe jáne Baýyrtal ormanshylyqtarynda ormannan órt shyqty.