Pavlodar oblysynda jol jabyldy

PAVLODAR. KAZINFORM — QazAvtoJol Pavlodar oblysynda kólik qozǵalysyna shekteý qoıylǵanyn habarlady. 

— 2026 jylǵy 1 qantarda saǵat 03:00–de aýa raıynyń nasharlaýyna baılanysty respýblıkalyq mańyzy bar «Atameken — Ertis — RF shekarasy» avtojolynyń 0-263 shaqyrymy aralyǵynda (Atameken aýyly — RF shekarasy) barlyq kólik túriniń qozǵalysyna shekteý qoıylady, — delingen habarlamada.

Joldy 2026 jylǵy 1 qantarda saǵat 07:00–de ashý josparlanǵan.

Táýlik boıy qosymsha aqparat alý úshin 1403 baılanys ortalyǵyna habarlasý qajet.

Aıta keteıik, Jambyl oblysynda aýa raıynyń buzylýyna baılanysty respýblıkalyq mańyzy bar jol ýchaskesi ýaqytsha jabyldy.