Pavlodar oblysynda sábiz eksporty 10%-ǵa ósti

PAVLODAR. KAZINFORM - Qańtar-aqpan aılarynda oblys fermerleri 4327 tonna sábiz eksporttaǵan. Bul ótken jylǵy sáıkes kezeńmen salystyrǵanda 10%-ǵa artyq.

Byltyr Ertis-Baıan óńirindegi sábiz alqaptarynyń jalpy aýmaǵy 4,9 myń gektardy quraǵan. Oblysta 100-ge jýyq sharýashylyq sábiz ósirýmen shuǵyldanady.

- Kókónis ósirýshiler ótken jyly 176,2 myń tonna sábiz jınaǵan. Bul aımaq turǵyndarynyń suranysynan 10 ese kóp. Qoımalarǵa 150 myń tonna ónim salyndy. Sol ýaqyttan beri oblys ishinde 12 myń tonna, oblystan tys jerlerge 102 myń tonna sábiz satylǵan. Tek bıylǵy qańtar-aqpan aılarynda 4327 tonna sábiz eksporttaldy. Bul ótken jylǵy deńgeıden 10%-ǵa artyq. Agroónerkásiptik keshendegi aýmaqtyq ınspektsııanyń resmı derekteri boıynsha Pavlodar oblysyna ózge elderden sábiz ákelingen joq. Al jergilikti qoımalarda qazir 36 myń tonna kóleminde sábiz bar, kommertsııalyq satý baǵasy kılogramyna 55-75 teńge, - dep habarlady Pavlodar oblysy aýyl sharýashylyǵy basqarmasy basshysynyń orynbasary Tólegen Kósherbaev.

Oblys bıligi sharýalardyń qolyndaǵy ónimdi syrtqa satýǵa járdemdesý týraly Aýyl sharýashylyǵy, Saýda jáne ıntegratsııa mınıstrlikterine, oblystardyń ákimdikterine jáne óńirlerdiń áleýmettik-kásipkerlik korporatsııalaryna hattar joldaǵan.

Aqpan aıynda pavlodarlyq fermerler qoımadaǵy tonnalaǵan sábizdi sata almaı otyrǵany týraly másele kótergen edik.