QPL: «Tobyl» syrt alańda «Jeńisten» jeńildi
ASTANA. KAZINFORM — Fýtboldan Qazaqstan Premer-lıgasy VIІІ týrynyń ekinshi oıyn kúninde taǵy eki kezdesý aıaqtaldy.
Bul kúni jankúıerler tarapynan «Jeńis» (Astana) pen «Tobyl» (Qostanaı) kezdesýine erekshe qyzyǵýshylyq boldy. Eki komanda bıyl birinshilikti sátsiz bastady. Elordalyq klýb týrnır kestesinde orta tusynda kele jatsa, qostanaılyq ujym sońǵy oryndardy mise tutyp keledi.
Oıyn barysynda komandalar jeńiske jetýge bar kúshin saldy. Kezdesý taǵdyryn «Jeńis» sapynan Aldaır Ádilov 86-mınýtta soqqan jalǵyz gol sheshti. Osylaısha «Tobyl» qarsylasyna 0:1 esebimen ese jiberip, birinshilikte besinshi márte jeńilistiń aşy dámin tatty.
Al «Atyraý» -«Altaı» (Óskemen) kezdesýinde dejalǵyz gol soǵyldy. Bul goldy 31-mınýtta atyraýlyq klýbtan Enrıke óziniń enshisine jazdy. Qarsylasynan 1:0 esebimen basym túsken olar týrnır kestesinde 10 upaımen onynshy orynǵa taban tiredi.
Sondaı-aq buǵan deıin búgin jezqazǵandyq «Ulytaý» (Jezqazǵan) Semeıdiń «Elimaıyn» 1:0 esebimen jeńdi.
Dál qazir birinshi kezeńnen keıin «Kaspıı» (Aqtaý) — «Astana» 0:0 esebimen teń túsip jatsa, 20:00–de «Ordabasy» (Shymkent) — «Aqtóbe» kezdesýi bastaldy.
Aıta ketsek, 2 mamyrda ótken oıyndarda óz alańynda Pavlodardyń «Ertisi» almatylyq «Qaıratqa», petropavldyq «Qyzyljar» Kókshetaýdyń «Oqjetpesine» 0:1 esebimen jeńilse, «Qaısar» (Qyzylorda) — «Jetisý» (Taldyqorǵan) 1:1 esebine qanaǵat bildirdi.
