Pavlodar aýrýhanasynda shaqalaq shetinedi

PAVLODAR. QazAqparat - Pavlodar oblystyq balalar aýrýhanasynda sábı kóz jumdy. Onyń ata-anasy dárigerler balasyn emdegisi kelmeıtinine shaǵymdanǵan bolatyn, dep habarlaıdy QazAqparat Pavlodarnews.kz saıtyna silteme jasap.

Dárigerlerdiń aıtýynsha, balanyń jaǵdaıy sońǵy kúnge deıin aýyr bolǵan.
Balanyń kóz jumǵany týraly onyń ata-anasy áleýmettik jelide habarlady.
Oblystyq densaýlyq saqtaý basqarmasy sábıdiń ólimin rastady. Ólimniń naqty sebebin keıinirek jarııalaıtynyn málimdedi.
Aıta keteıik, náreste sońǵy aptalarda Pavlodar oblystyq balalar aýrýhanasynda jansaqtaý bóliminde jatqan bolatyn. Balanyń ákesi dárigerlerdiń qosymsha tekserýden bas tartqanyn, ata-anasyn jansaqtaý bólimine jibermeıtinin, qońyraýlarǵa dóreki jaýap berip, balanyń jaǵdaıy týraly tolyq málimet bermeıtinin aıtyp shaǵymdanǵan edi.

Oblystyq densaýlyq saqtaý basqarmasy náreste jaǵdaıynyń aýyrlyǵy tynys alý jetispeýshiligimen, aýyr nevrologııa sımptomatıkasymen baılanysty bolyp otyrǵanyn aıtqan bolatyn. Bul rette náreste qajetti em qabyldap jatqanyn jetkizdi.

foto ashyq derekkózden alyndy.