Parıjde jaryq óship, myńdaǵan úı elektr qýatynsyz qaldy
ASTANA. KAZINFORM – Búgin tańerteń Frantsııa astanasynda elektr qýaty úzildi, dep habarlaıdy BILD.
Reuters jazǵandaı, shamamen 170 000 úı ýaqytsha jaryqsyz qaldy. Birneshe saǵat boıy baǵdarshamdar men kóshe jaryǵy sónip, keıbir metro jáne qala mańyndaǵy poıyz jelileri toqtady.
Buǵan Parıjdiń ońtústik-batysyndaǵy qalanyń qosalqy stantsııasyndaǵy oqıǵa sebep bolǵan.
– Bul Issı-le-Mýlınodaǵy RTE qosalqy stantsııasyndaǵy qýaty 200 megavatt tehnıkalyq aqaý, - dedi elektr jelisiniń operatory jáne keltirilgen qolaısyzdyqtar úshin keshirim surady.
Qaladaǵy qozǵalys jergilikti ýaqyt boıynsha tańǵy jetide tolyǵymen qalpyna keltirildi.
Aıta keteıik, Qyrǵyzstan prezıdenti ákimshiliginiń aqparattyq saıasat qyzmetiniń basshysy Daıyrbek Orýnbekov eldegi elektr energııasy tapshylyǵynyń sebebin túsindirdi. Onyń aıtýynsha, energetıka sektorynda óte ózekti máseleler bar.
Eske sala ketsek, 2023 jylǵy 1 tamyzdan 2026 jylǵy 31 jeltoqsanǵa deıin Qyrǵyzstanda energetıka sektorynda tótenshe jaǵdaı rejımi engizildi.
2025 jyldyń qyrkúıeginde Qyrǵyzstan energetıka mınıstri Taalaıbek Ibraev aldaǵy qystyń asa kúrdeli bolatynyn eskertip, halyqty elektr energııasyn únemdeýge shaqyrdy.
Qazirgi tańda Qyrǵyzstan tutynatyn elektr energııasy óndirilgen kólemnen artyq. Tapshylyqty el kórshi memleketterden ımport arqyly jaýyp otyr.
Mınıstr turǵyndarǵa elektr energııasyn únemdeýdi, tutyný tártibin saqtaýdy, ásirese júkteme eń joǵary ýaqyttarda qýaty kóp quraldardy qoldanbaýdy eskertti.
Qyrǵyzstan prezıdenti Sadyr Japarov Energetıka mınıstrligine elektr energııasyna shekteýsiz tarıf qoldanýdy toqtatýdy tapsyrdy.
El mektepterinde energııany únemdeý sharalary engizildi.
Al Bishkekte meıramhanalar, barlar men klýbtar keshki saǵat 22:00-den keıin jabylady.