Parashıýtshi Felıks Baýmgartner paraplan apatynan qaza tapty

ASTANA. KAZINFORM — Osy salada birneshe álemdik rekord ornatqan aýstrııalyq ekstremal parashıýtshi Felıks Baýmgartner motorly paraplanmen ushý kezindegi apattan qaıtys boldy, dep jazady DW.

56 jastaǵy sportshynyń qazasy týraly beısenbi kúni keshke habarlandy.

Oqıǵa Italııanyń Adrıatıka jaǵalaýynda ornalasqan Porto-Sant-Elpıdıo qalasynda boldy. Jergilikti qutqarý qyzmetiniń habarlaýynsha, Baýmgartner motorly paraplanmen ushyp bara jatqan, biraq ózin nashar sezinip, ushaqty basqara almaı qalǵan.

Paraplan jaǵalaýdaǵy qonaqúılerdiń biriniń aýmaǵyndaǵy basseın janyndaǵy qurylysqa soqtyǵysty. Qutqarýshylardyń aıtýynsha, er adam oqıǵa ornynda kóz jumdy. Oqıǵa kezinde qonaqúı qyzmetkerleriniń biri zardap shekti. Paraplannyń ushyp ketken bólshegi áıeldiń moınyn jaralaǵan. Áıelge alǵashqy medıtsınalyq kómek kórsetilip, aýrýhanaǵa jetkizildi.

Buǵan deıin álemdegi eń qart marafonshy Úndistanda jol apatynan qaza tapqany anyqtaldy.