Pákistanda nóser jańbyr 11 adamnyń ómirin qıdy

ASTANA. KAZINFORM – Aldyn ala málimet boıynsha, Pákistannyń Haıber-Pahtýnhva provıntsııasynda nóser jańbyr 11 adamnyń ómirin qıyp, 18 adamnyń jaraqat alýyna sebep boldy, dep habarlaıdy Anadolu Ajansı.

Dawn gazetiniń habarlaýynsha, provıntsııany jaılaǵan jańbyr eldi mekenderde sý tasqynyna jáne joldardyń jabylýyna ákeldi.

Qutqarý qyzmetteri nóser jaýyn men onymen birge júretin daýyldan 11 adam qaza taýyp, 18 adam jaraqat alǵanyn rastady.

Jergilikti bıliktiń habarlaýynsha, birneshe aımaqta aǵashtar qulap, ınfraqurylym zaqymdalǵan. Tolassyz jaýǵan jańbyr kóshkinge ákelip, kóptegen iri joldar jabyldy. Svat aýdanynda jańbyrdan bulaqtar men ózender arnasynan asyp, sý tasqynyna ákeldi, al Mıngora qalasynda sý deńgeıiniń kóterilýi alańdaýshylyq týdyryp otyr.

Qutqarý qyzmetteri nóser jańbyr men onymen birge júretin daýyl saldarynan 11 adam qaza taýyp, 18 adam jaraqat alǵanyn rastady.

Budan basqa, qalyń qar men qar kóshkininen Kalam men Mahodanda kóli arasyndaǵy jol jabylyp, júzdegen kólik jolda qaldy.

Meteorologııalyq qyzmetter provıntsııada jańbyr jaýýy jalǵasatynyn, al bıik taýly aýdandarda qar jaýatynyn eskertti.

Osyǵan deıin Aýǵanstandaǵy sý tasqyny, kóshkin jáne nóser jaýyn saldarynan 17 adam qaza taýyp, 26 adam jaraqat alǵanyn habarladyq.