Ózbekstanda Ortalyq Azııadaǵy alǵashqy shokolad murajaıy ashyldy

TAShKENT. KAZINFORM – Ózbekstanda Ortalyq Azııadaǵy alǵashqy shokolad murajaıy ashyldy, dep habarlaıdy UPL.uz.

Jaqynda etnografııalyq «Naýryz» saıabaǵynda biregeı mádenı ortalyq – Shokolad murajaıy jumys isteı bastady. Bul joba Iman Chocolate & Fruits kompanııasynyń bastamasymen júzege asyryldy.

Murajaı kelýshilerdi shokolad tarıhymen tanystyrady. Ol jerde ejelgi órkenıetterden qazirgi kondıterlik ónerge deıingi úderis týraly aqparat beriledi.

Kórmede Ózbekstannyń jáne álemniń sáýlet eskertkishteriniń shokoladty mınıatıýralary, tarıhı tulǵalardyń músinderi qoıylǵan. Munda barlyǵy 19 eksponat bar, onyń 16-sy – murajaı sheberleriniń qolymen jasalǵan eksklıýzıvti shokolad músinderi. 

Sondaı-aq kórmede Tashkent pen Samarqandtaǵy medreseler, Kelte munar-Kishi munara, Álisher Naýaı men Ámir Temir, sondaı-aq Táj-Mahal, Azattyq músini, Eıfel munarasy, Kolızeı, Tanostyń qoly sııaqty pishinder qoıylǵan. 

Bul óner týyndylaryna 850 kg negizinen qara shokolad jumsaldy, eki nysan aq shokoladtan jasalǵan. Árbir músinge keminde jeti kúndik jumys qajet boldy. Olar shokoladty lakpen qaptaǵan jáne tıisti jaǵdaılarda bir jylǵa deıin saqtalýy múmkin.

Munda kelýshiler shokoladtyń tarıhymen tanysyp, eksponattarǵa qol tıgize alady. Murajaıda shokolad jasaý protsesi tolyq kórsetilgen óndiristik sheberhana da bar.

Jaqynda tájirıbeli kondıterlerdiń jetekshiligimen sheberlik sabaqtary uıymdastyrylady. Bul murajaıdyń ashylýy mádenı týrızmdi damytýǵa jáne ulttyq kondıterlik ónerdi tanymal etýge yqpal etedi dep kútilip otyr. 

Eske sala keteıik, Ózbekstanda jeke tulǵalardyń shetelden taýar ákelýine shekteý kúsheıtildi.