Ózbekstanda koronavırýsqa qarsy ımmýndyq sút shyǵaryldy
«Qaraqalpaqstan astanasy Nókis qalasynda jumys isteıtin «PanaevFarms» seriktestigi SARS-CoV-2 ınfektsııasyn zalalsyzdandyrý qasıetine ıe ımmýndyq sút pen sút ónimderin óndirýdi jáne satýdy bastady», - delingen habarlamada.
Koronavırýsqa qarsy ımmýndyq sút alý jobasy boıynsha jumys 2021 jyly Innovatsııalyq damý mınıstrligi janyndaǵy Halyqaralyq molekýlalyq allergologııa ortalyǵy men Vena medıtsınalyq ýnıversıtetinde bastaldy. Eksperıment retinde «PanaevFarms» kásiporny Avstrııa men Germanııadan ákelingen asyl tuqymdy sıyrlar men golshteın sıyrlaryna ózbek-qytaılyq ZF-UZ-VAC2001 vaktsınasynyń 3 dozasyn alǵan.
2022 jyly ZF-UZ-VAC2001 rekombınantty vaktsınamen egilgen sıyrlardyń ımmýndyq sútinen alynǵan taldaý nátıjeleri ekinshi dozadan soń eki aptadan keıin beıtaraptandyratyn antıdeneler damyǵanyn kórsetti.
2022 jyldyń qazan aıynan bastap PanayevFarms-te Immune Milk saýda belgisimen pasterlengen sútti shaǵyn kólemde óndirýge arnalǵan tehnologııalyq jelilerdi synaý bastaldy.
Frontiers in Nutrition bedeldi ǵylymı jýrnalynda koronavırýstyq ınfektsııaǵa qarsy ımmýndyq súttiń jańa býynynyń nátıjeleri týraly ǵylymı maqala jarııalandy.
Sarapshylardyń pikirinshe, bul ásirese DDU Erıs omıkron shtammynyń jańa nusqasynyń álemde jyldam taralýy týraly jarııalaǵan jaǵdaıda mańyzdy.
