Ózbekstanda elektromobılder úshin ýtılalym quny qymbattaıdy

TAShKENT. KAZINFORM – Ózbekstan úkimeti elektromobılder úshin ýtılalym qunyn kóterýdi kózdeıtin qaýlyny qabyldady, dep habarlaıdy Kazinform agenttiginiń menshikti tilshisi. 

Өзбекстанда электромобильдер үшін утильалым құны қымбаттайды
Фото: freepik.com

Qujatta jazylǵandaı, ýtılalym mólsheri kóliktiń jylyna baılanysty belgilenedi. Atap aıtqanda, shyǵarylǵanyna 3 jyl bolmaǵan kólikterge 120 bazalyq eseptik shama (shamamen 1,8 mln teńge), al odan eski elektromobılderdiń ýtılalym quny 210 bazalyq eseptik shama (3,1 mln teńge). 

Osy rette tıisti mınıstrlikterge ýtılalymdy jınaý jáne qarajatty tıimdi paıdalaný erejelerin ázirleý tapsyryldy. 

Ózbekstan Mınıstrler kabınetiniń qaýlysy 2025 jyldyń 1 mamyrynan kúshine enedi. 

Eske salaıyq, byltyr Qazaqstan Ózbekstanǵa eń kóp elektromobıl eksporttaǵan elderdiń úshtigine endi. 

Buǵan deıin habarlaǵanymyzdaı, resmı Tashkent jeńil kóliktiń 80 paıyzyn Qytaıdan ımporttap jatyr. Byltyr kórshiles memleketke shet elderden 1,28 mlrd dollarǵa baǵalanǵan 74,7 myń jeńil kólik ákelingen. 

Сейчас читают