Ózbekstanda elektromobılder shyǵarylady

TAShKENT. QazAqparat – Ózbekstan prezıdenti Shavkat Mırzıeev aldaǵy eki jylda elektromobılderdiń tanymal úlgilerin shyǵarýdy jolǵa qoıyp, servıstik ınfraqurylymdy keńeıtýdi tapsyrdy, dep habarlaıdy QazAqparat Ózbekstan prezıdentiniń baspasóz qyzmetine silteme jasap.

Ózbekstan basshysy elektromobıl ónerkásibin damytý jobalarymen tanysý barysynda tanymal úlgilerdi shyǵarý jolynda tájirıbesi bar sheteldik kompanııamen birlesken kásiporyn qurý qajet ekenin atap ótti.

Sonymen qatar, elektr toǵynan qýat alyp júretin kólikter tıisti ınfraqurylymnyń bolýyn talap etetini atap ótildi. Qazir elde bar bolǵany 50 zarıadtaý stantsııasy bar. Olar negizinen Tashkent pen Samarqanda ornalasqan. Elektrmen júretin kólikterge qyzmet kórsetý ortalyqtary joq.

Osyǵan baılanysty, aldaǵy eki jylda kólik turaqtary, janar-jaǵarmaı quıý stantsııalary men kúre joldarda 2 myń zarıadtaý stantsııasyn ornatý mindeti qoıyldy.

Bul stantsııalar jer salyǵy, múlik jáne paıda salyǵyn jeńildetedi. Zarıadtaý stantsııalary bar kásipkerler elektr energııasyn erkin baǵamen sata alady.

Foto:president.uz