Ózbekstanda Áıteke bıdiń kesenesi ashyldy
TAShKENT. 21 mamyr. QazAqparat - Ózbekstanda jýyrda resmı túrde Áıteke bıdiń kesenesi ashyldy. Bul týraly Ózbekstandaǵy respýblıkalyq qazaq mádenı ortalyǵynyń 20 jyldyǵyna arnalǵan quryltaıdyń saltanatty ashylýy barysynda osy ortalyqtyń basshysy Marat Úkibaev málim etti.
M. Úkibaev ata ótkendeı, birneshe jyl buryn Ózbekstannyń Navoı oblysynyń Nurata eldi mekeninde Áıteke bı jerlengen qorym tabylǵan bolatyn. Ol «Seıitqul áýlıe» beıitiniń janynda ornalasqan. Sodan keıin metsenattardyń, atap aıtqanda shymkenttik kásipker Shaharbek Ýsmanovtyń qatysýymen qurylys jumystary bastaldy.
Juma, 18 mamyr kúni Áıtekı bıdiń mazaryn ashý saltanatyna QR Parlament Májilisiniń depýtaty Rozaqul Halmýradov, ÓR-ǵy QR Tótenshe jáne Ókiletti elshisi Bóribaı Jeksembın, sondaı-aq Mańǵystaý oblysy ákimdiginiń ókilderi jáne Qazaqstan men Ózbekstannyń basqa da qonaqtary qatysty. Sońynan as berildi.
Ózbekstandaǵy QR elshiliginen habarlaǵandaı, dıplomatııalyq ókildiktiń basshysy B. Jeksenbın keseneniń ashý saltanatynda sóz sóıledi.
Aıta keteıik, Tashkent qalasynyń ortalyǵynda Tóle bıdiń kesenesi ornalasqan.
