Ózbekstan Syrdarııada sý kóbeıetindigin eskertti
ASTANA. QazAqparat - Ózbekstan Syrdarııa ózeni jaǵasy men onyń salalary aýmaǵyn sý basý qaýpi bar ekendigin eskertti, dep habarlaıdy Qazgıdromet Ýzgıdromet aqparatyna silteme jasap.
«Taıaý táýlikterde Syrdarııada sý kúrt kóbeıedi jáne ózenniń Chınaz beketi mańynda sý kólemi sekýndyna 1500-1600 tekshe metrge jetedi, al Shyrshyqtyń tómengi aǵysynda 500-550 tekshe metr bolady. Osyǵan baılanysty ózen salalaryndaǵy aýmaq pen ýchaskelerdi sý basýy múmkin»,-delingen Ýzgıdromet (Tashkent) habarlamasynda.
