Óz elimde, sizderdiń aldaryńyzda óner kórsetemin — Jánibek Álimhanuly
ASTANA. KAZINFORM — Qazaqstandyq boksshy, orta salmaqtaǵy WBO jáne IBF chempıony Jánibek Álimhanuly 5 sáýirde Astanadaǵy «Barys Arenada» jeńilip kórmegen frantsýz boksshysy Anaýel Ngamıssengemen rıngke shyǵady.
Búgin Astanada jekpe-jekke arnalǵan baspasóz máslıhaty.
— Qurmetti qazaq eli! Qurmetti jankúıerler! Men tuńǵysh ret qos birdeı chempıondyq beldigimdi óz elimizde qorǵaǵaly otyrǵan birinshi qazaq atanǵaly otyrmyn. Bul men kútken basty jekpe-jekterdiń biri dep oılaımyn. Óz elimde, jergilikti jankúıerler aldynda keremet boks keshin ótkizýdi maqsat etip júr edim. Mine, sol kúnge, sol qyzyqqa toly boks keshin elordamyzda birge ótkizýge barlyqtaryńyzdy shaqyramyn. Buıyrtsa 5 sáýir Astana qalasynda judyryqtasamyz! Óz elimde, sizderdiń aldaryńyzda óner kórsetemin — dedi Jánibek Álimhanuly baspasóz otyrysynda.
Eske salsaq, Jánibek Álimhanuly sońǵy jekpe-jegin ótken jyly 4 qazan kúni Aýstralııada ótkizip, Jańa Zelandııalyq Andreı Mıhaılovıchti toǵyzynshy raýndta tehnıkalyq nokaýtpen tize búktirgen bolatyn.
Aıta keteıik, Jánibek Álimhanulynyń 5 sáýir Astana qalasynda judyryqtasatyn qarsylasy frantsııalyq boksshy — Anaýel Ngamıssengý. Ol osyǵan deıin 14 kezdesý ótkizip, barlyǵynda jeńiske jetken. Onyń 9-yn merziminen buryn jeńgen.
Esterińizde bolsa osyǵan deıin QR Týrızm jáne sport mınıstri Erbol Myrzabosynov Jánibek Álimhanulynyń kezekti jekpe-jegi Qazaqstanda uıymdastyrylatyny týraly habarlaǵan bolatyn.