Otbasy kúni: ShQO-daǵy túrmede erekshe aktsııa ótti

ÓSKEMEN. QazAqparat – Shyǵys Qazaqstan oblysyndaǵy OV 156/6 túzetý mekemesinde «Otbasy barda úzilmes bizdiń úmitimiz» atty aktsııa ótti, dep habarlaıdy QazAqparat tilshisi.

ShQO QAJ departamenti baspasóz qyzmetiniń málimetine súıensek, Otbasy kúnine oraı OV 156/6 qaýipsizdigi joǵarǵy mekemesinde aktsııa ótti. Sonyń aıasynda jazasyn óteýshiler taksofon, hat jazý,beıneqońyraý arqyly óz januıalarymen habarlasty.

Mysaly, 12 jylǵa bas bostandyǵynan aıyrylǵan Dmıtrıı mekeme ákimshiligine otbasymen Skype arqyly sóılesýge ótinish bildirgen. Pavlodar qalasynda turatyn anasy jáne qaryndasymen beıneqońyraý arqyly baılanysqa shyqqan ol «Men sizderdi qatty saǵyndym. Otbasy kúni qutty bolsyn! Eshqashan aýyrmańyzdar» dep jaqyndarymen qaýyshqysy kelip júrgenin aıtty.

Jazasyn óteýshi Qanat Joldybaev kópbalaly áke. Balalaryna hat arqyly ishki jan dúnıesin aqtarǵan Qanat «Aınalaıyn jandarym, qaldaryń qalaı? Sabaqtaryń jaqsy ma? Senderdi qatty jaqsy kóremin! Bostandyqqa shyǵatyn kúnimdi taǵatsyzdana kútip júrmin» dep jazdy.

«Sottalǵandar ishinde otbasy joqtary da jeterlik. Mundaı adamdarǵa áleýmettik-quqyqtyq kómek kórsetilip turady. Jazasyn ótep bolǵannan keıin olar áleýmettik beıimdeý ortalyqtaryna ornalastyrylady», - dedi mekeme bastyǵy Qýanyshbek Aǵysbaev.