Otandyq poshta qyzmetine ózgerister engiziledi
ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi mınıstrligi poshta qyzmeti erejelerine ózgerister engizedi. Maqsat – poshta baılanysy naryǵyn damytý.
«Ashyq NQA» portalynda jarııalanǵan buıryq jobasyna sáıkes, poshta qyzmetin paıdalanýshylarǵa yńǵaıly bolý úshin PIN-kod nemese QR-kodpen adresattyń kelisimin alý arqyly poshta jóneltilim úshinshi tulǵalarǵa tapsyrý múmkindigi qarastyrylǵan.
Sondaı-aq budan bylaı «Poshta jáshigi» uǵymy alynyp tastalady.
Odan bólek, qundy jóneltilim ekeni jarııalanǵan uǵym engiziledi jáne atalǵan jóneltilim jiberý múmkindigine baılanysty poshta operatorlarynyń jaýapkershilik sharttary naqtylanady.
Qujat jobasy bıyl 21 sáýirge deıin qoǵamdyq talqylaýǵa usynylyp otyr.
Aıta ketsek, Úkimet basshysy Oljas Bektenov jyl basynda bir aıdyń ishinde ulttyq poshtany damytýdyń josparyn ázirleýdi tapsyrǵan edi.
Sondaı-aq jyl basynda Memleket basshysy «Qazposhta» AQ basqarma tóraǵasy Ásel Janasovany qabyldap, birqatar tapsyrma berdi.
