Otandyq ónim: Qostanaıda alty sút fermasy salynyp jatyr

ASTANA. KAZINFORM – Qostanaı oblysynda óńdelgen aýyl sharýashylyǵy óniminiń úlesin 70%-ǵa ulǵaıtý mindeti oryndaldy. Bul týraly oblys ákimi Qumar Aqsaqalov málim etti.

- Sút jáne sút ónimderi boıynsha ımportqa táýeldilikti tómendetý úshin alǵashqy 6 zamanaýı joǵary tehnologııalyq sút-taýar fermalarynyń qurylysy bastaldy. Osylaısha sharýashylyqtarda ónim óndirýdi 30% ulǵaıtýǵa múmkindik beredi jáne sút óńdeý kásiporyndarynyń júktemesin 86% deıin qamtamasyz etedi. Biz Memleket basshysynyń úsh jyl ishinde agroónerkásiptik keshendegi óńdelgen ónimniń úlesin 70%-ǵa ulǵaıtý týraly tapsyrmasy josparǵa sáıkes oryndadyq, - dedi Qumar Aqsaqalov óńirdiń áleýmettik-ekonomıkalyq damýy týraly esep bere turyp.

Sondaı-aq, oblys ákimi jaqynda Qostanaı aımaǵynda ósiriletin jáne óndiriletin ónimderdiń artatynyn aıtyp otyr. 

- Jýyrda irimshiktiń 20 jańa túrin óndiretin kesheni paıdalanýǵa berildi. Bul oblys boıynsha irimshik óndirý kóleminiń 3 ese ósýin jáne óńdelgen súttiń kólemin 46%-dan 60%-ǵa deıin artýyn qamtamasyz etedi. Osylaısha, jergilikti halyqtyń irimshikke suranysyn jabamyz. Kúni keshe «Arýana-2010» JShS dıirmen kesheni paıdalanýǵa berildi, sol sııaqty «Kondıterlik astana» fabrıkasynyń qurylysy bastaldy, - dep tolyqtyrdy óńir basshysy. 

Aıta keteıik, Qostanaı oblysynda jastardy baspanamen qamtýǵa bólinetin qarjy úsh ese artqan.