Ósimdik maıynyń óndirisi 23,9% artty
ASTANA. KAZINFORM – 2025 jyldyń alǵashqy 7 aıynda respýblıkada 521,2 myń tonna ósimdik maıy óndirildi. Bul kórsetkish 2024 jyldyń sáıkes kezeńimen salystyrǵanda 23,9% kóp. Bul týraly Ulttyq statıstıka bıýrosy málim etti.
Atalǵan kezeńde ósimdik maıynyń eksporty 37,7% ósti. Qazaqstandyq maıdyń negizgi ımporttaýshysy — TMD elderi.
El ishindegi satý kólemi osy jyldyń 7 aıynda 193,1 myń tonnany qurap, ótken jyldyń tıisti kezeńimen salystyrǵanda 11,2% artyq boldy.
Aýyl sharýashylyǵy mınıstrligi málimetinshe, búginde Qazaqstanda shıkizatty qaıta óńdeýmen aınalysatyn 88 kásiporyn jumys isteıdi. Olardyń jyldyq qýattylyǵy – 4,7 mln tonna. 2024 jyly 757,1 myń tonna ósimdik maıy óndirildi (+12,6% 2023 jylmen salystyrǵanda), onyń ishinde 640,3 myń tonnasy kúnbaǵys maıyna tıesili boldy (+19,2%). 2024 jyly ósimdik maılarynyń eksporty 2023 jylmen salystyrǵanda 29%-ǵa ósti.