Óskemende shyrsha jaǵylyp, Aıaz atalar sherýi ótti

ÓSKEMEN. KAZINFORM — Óskemende jańa jyldyq merekeler resmı túrde Aıaz atalar sherýi jáne Shyǵys Qazaqstan oblysynyń bas shyrshasyn jaǵýymen bastaldy.

«Aıaz ata, Aqshaqar — 2025» festıvaliniń estafetasyn oblys ortalyǵy qabyldady. Merekelik sharalar Aıaz ata rezıdentsııasy ashylǵan sol jaǵalaýdan bastaldy. Munda balalar ózderiniń jańa jyldyq tilekteri jazylǵan hattardy qaldyrdy. Qystyń bas sıqyrshysy hattardyń alǵashqy legin ashty.

— Biz úshin Jańa jyl tek shamdar men kontsertterden ǵana emes, sondaı-aq ǵajaıyptarǵa degen balalyq senimmen bastalýy kerek. Aıaz Ata rezıdentsııasy — dál osy qýanyshpen merekeni kútý, — dep atap ótti uıymdastyrýshylar.

Óńirdegi mereke Respýblıka alańynda jalǵasty. Shyǵys Qazaqstan oblysynyń ár aýdanynan kelgen Aıaz ata men Aqshaqarlar ortalyq alańnan sherýge shyqty. Árbir kolonnanyń ózindik ereksheligi boldy, alaıda olardyń barlyǵyn merekeniń jaqyndap qalǵanyn uǵyndyratyn sezim baılanystyrdy.

Shyǵys Qazaqstan oblysynyń bas shyrshasyn Óskemen qalasynyń ákimi Almat Aqyshov balalarmen birge jaqty.

— Bıylǵy jyl árbir úıge jylýlyq, densaýlyq jáne bolashaqqa degen senimdilik ákelsin. Biz merekeni qala ortalyǵynan bastap, shetki aýdandarǵa deıin barlyq qala turǵyndaryna qoljetimdi etý úshin kúsh saldyq, — dedi qala ákimi.

Bas shyrsha shamy jaǵylǵannan keıin alańda kontserttik jáne oıyn-saýyq baǵdarlamasy bastaldy.

Uıymdastyrýshylardyń aıtýynsha, Óskemendegi jańa jyldyq is-sharalar jalǵasa bermek. Negizgi shara 31 jeltoqsan kúni saǵat 21:00–de ortalyq alańda ótedi. Al qalanyń ár aýdanynda qosymsha baǵdarlamalar uıymdastyrylady.

Eske salaıyq, osyǵan deıin Qazaqstan óńirlerinde jańajyldyq shyrsha baǵasy qansha turatyny týraly jazdyq.