Óskemende kúshikterdi baltalaǵan er adamǵa qatysty tergeý bastaldy
ÓSKEMEN. KAZINFORM – Óskemen qalasynda kúshikterdi baltalaǵan er adamǵa qatysty polıtsııa tergeý amaldaryn bastaldy.
Áleýmettik jelide er adam kúshikterdi baltalap jatqan vıdeo tarady. Osyǵan oraı ShQO Polıtsııa departamenti tergeý amaldary júrgizilip jatqandyǵyn málimdedi.
«Tarap jatqan vıdeodaǵy azamattyń anyqtalyp, polıtsııa bólimshesine jetkizilgenin habarlaımyz. Ol 56 jastaǵy qala turǵyny bolyp shyqty. Er adam psıhologııalyq jáne narkologııalyq dıspanserlerde esepke alynbaǵan», - delingen aqparatta.
Qazirgi ýaqytta janýarlarǵa qatygezdik kórsetý faktisi boıynsha sotqa deıingi tergeý bastaldy. Oqıǵanyń barlyq mán-jaıy anyqtalýda.
