Óskemende er adam dinı ekstremıstik materıaldardy ashyq taratqan

ÓSKEMEN. KAZINFORM – Óskemen qalasynda dinı ekstremıstik materıaldardy ashyq taratqan er adam jaýapqa tartyldy. 

Oblystyq Polıtsııa departamenti baspasóz qyzmetiniń málimetine súıensek, polıtseıler Óskemen turǵynynyń áleýmettik jelide ekstremıstik dep tanylǵan dinı materıaldardy bóliskenin anyqtady.

«Sot ekstremıstik dep tanyǵan jáne Qazaqstan Respýblıkasynyń aýmaǵyna ákelýge, basyp shyǵarýǵa jáne taratýǵa tyıym salynǵan dinı mazmundaǵy materıaldardy óziniń uıaly telefonynda saqtap qana qoımaı, olardy tanymal áleýmettik jeliniń keńistiginde ashyq bólisken. PD ekstremızmge qarsy is-qımyl basqarmasynyń qyzmetkerleri zańbuzýshylyqty tirkegen soń atalǵan fakti boıynsha 35 jastaǵy azamatqa qatysty QR ÁQBtK-niń 453-babymen ákimshilik hattama toltyryldy», - delingen aqparatta.

Sot qaýlysymen er adam atalǵan quqyq buzýshylyq jasaǵany úshin kináli dep tanylyp, 100 AEK (369 200 teńge) mólsherinde aıyppul tóleýge mindetteldi.

Osy rette, polıtsııa qyzmetkerleri jurtshylyqqa ekstremıstik materıaldardy saqtaý jáne taratý ákimshilik nemese qylmystyq jaýapkershilikke ákelip soǵatynyn eske saldy.