Óskemende arzan baǵaǵa qant satatyn alaıaqtar paıda boldy

ÓSKEMEN. QazAqparat – Óskemen qalasynyń turǵyndaryn qantty arzanǵa satatyndyqtaryn aıtyp aldaıtyn alaıaqtar paıda boldy, dep habarlaıdy QazAqparat tilshisi.

«Ertis» áleýmettik-kásipkerlik korporatsııasynyń málimetinshe, sońǵy ýaqytta Óskemende korporatsııa atyn jamylǵan belgisiz bireýler turǵyndarǵa qantty arzan baǵamen satyp alýdy usynyp qońyraý shalyp nemese habarlama jiberip jatyr. Olar azamattarǵa qantty satyp alý úshin tıisti somany bank kartasyna aýdarýdy suraıdy.

«Kompanııa qyzmetkerleri mundaı zańsyz áreketterge barmaıdy. Sondyqtan azamattarǵa árkez abaı bolýdy jáne osyndaı qońyraýlar nemese habarlamalar túsken jaǵdaıda birden quqyq qorǵaý organdaryna júginýdi suraımyz», - delingen aqparatta.

Kompanııa dereginshe, áleýmettik mańyzy bar ónimder, onyń ishinde qant qatań túrde turaqtandyrý qorynyń pavılondarynda jáne «Ertis» ÁKK AQ-men seriktes dúkenderde satylady.

Foto: anacamores.wordpress.com